Սկիզբ
«ԱՃՈՂ» սկսիր մտածել հայերեն
Դու հայերեն խոսո՞ւմ ես, իսկ որ ավելի կարևոր է, դու հայերեն մտածո՞ւմ ես, զգո՞ւմ։ Երեխաներին ծանոթացնելով մեր լեզվին, գրականությանը, երգերին և մշակույթին՝ մենք օգնում ենք նրանց հասկանալ, թե ինչ է նշանակում հայ լինել: Այս ժամանակակից դասընթացը կզարգացնի հայերենի իմացությունը, ինչպես նաև կձևավորի հայերեն «մտածելու» կարողություն՝ մշակութային և պատմական նշանակալի կապ ստեղծելով մեր հայրենիքի հետ:
Համառոտ նկարագրություն Առցանց դասընթաց՝ նախատեսված մինչև 10 տարեկան երեխաների համար: Երեխաները կհմտանան հայերեն կարդալու և գրելու գործընթացում, կհարստացնեն իրենց բառապաշարը, կլսեն հայկական հեքիաթներ և երգեր, կհաղորդակցվեն հայ հասակակիցների հետ, կմասնակցեն ճանաչողական խաղերի, բանավեճերի և խմբային աշխատանքների, կծանոթանան Հայաստանի բնությանը, աշխարհագրությանը, տեսարժան վայրերին, մարդկանց կյանքին ու կենցաղին։
«Երեխաներին անհրաժեշտ է կրթել անասելի սիրով և ոգևորությամբ»:
Բանասեր, մանկավարժ, հոգեբան, խմբագրիչ, սրբագրիչ:
ՀՀ Գիտությունների ազգային ակադեմիայի Հ. Աճառյանի անվան լեզվի ինստիտուտի առկա ասպիրանտ:
ՀՊՄՀ-ի հենակետային վարժարանի և թիվ 57 հիմնական դպրոցի հայոց լեզվի և գրականության մասնագետ:
Աշխատանքային երկարամյա փորձ` Խաչատուր Աբովյանի անվան ՀՊՄՀ, «Զանգակ» հրատարակչություն, «Հայաստանում ֆրանսիական քոլեջ» հիմնադրամ, «Գլոբալ Բրիջ» կրթահամալիր:
Նախագծի մասին
Նախագծի նպատակը մայրենիի նկատմամբ ուշադրության տեղին և նշանակալի բարձրացումն է սփյուռքահայ իրականության մեջ:
Հաշվի առնելով սովորողների տարիքային առանձնահատկություններն ու հետաքրքրությունները՝ նախատեսվել է տարամակարդակ և բովանդակալից ուսուցում: Կարևորելով ազգային արժեքների բարձրացմամբ ազգային արժեհամակարգի պահպանմանը միտված նպատակային աշխատանքը՝ մշակվել է հետաքրքիր և ուսուցողական ծրագիր, ու վերջինիս բարեհաջող հաղթահարման համար փորձառու մեթոդաբանների և մասնագետների ներուժը ծառայեցվելու է սփյուռքահայ սովորողներին տրամադրվելիք օգնության ու օժանդակության ապահովմանը:
Ուղերձ ուսանողներին
Մայրենիի ուսումնասիրությունը՝ հիմնված ձեռք բերած գիտելիքների և լեզվական կարողությունների վրա, նպաստում է ազգապահպանության գործում հայոց լեզվի, հայ գրականության, պատմության և մշակույթի կարևոր դերի գիտակցմանը, դրանց ընկալմանը՝ որպես հայ ազգային մշակույթի արտահայտության բարձրագույն և միասնական ձևի:
Անհրաժեշտ է համախմբվել, ուսուցանել, խթանել, ուսանել և հաջողել:
Ինչո՞ւ M.A.M
Մտահոգության տեղիք տվող խնդիրներից է ազգային ինքնության պահպանումը ոչ միայն հայրենի երկրում, այլև մայր երկրի սահմաններից դուրս: Այս շատ կարևոր և խորքային պատնեշը հաղթահարելու համար հղացել է մի միտք՝ ստեղծելու հնարավորություն, որով միանշանակ կօժանդակենք սփյուռքահայ երեխաներին՝ սիրել տալու մայրենին, հետաքրքրություն առաջացնելու հայրենիքի նկատմամբ և հաղթահարելու մայրենիի ուսումնասիրման ու ընկալման դժվարին խնդիրը: Աշխարհով մեկ սփռված մեր երեխաներին համախմբելու անհրաժեշտության լավագույն միջոցն այս պահին առցանց ուսուցումն է, որով ջերմ ու սրտագին մթնոլորտ կապահովենք միմյանց հանդեպ և կցուցաբերենք սպասվածից էլ շատ ավելի ցանկալի արդյունք՝ աշխատանքը ծառայեցնելով նպատակին:
